රෝස ශාකයේ ඉතිහාසය

රෝසමලේ අතීතය ක්‍රි.පූ. කාලය දක්වා විහිදී යයි. යම් යම් අවස්ථාවන් හි පුරාවිද්‍යාත්මක කැනීමිවලදී රෝසමල්වල පොසිල හමුවී ඇත. පොසිල හමුවූ රටවල් ලෙස එක්සත් රාජධානිය , ප්‍රංශය, ජර්මනිය ,ජපානය,හා ග්‍රීසිය ද අයත් වේ. ග්‍රීක හා රෝම අධිරාජ්‍ය වලදී රාජ්‍ය උත්සව වලදී රෝසමල් යොදාගෙන ඇත. ඊජිප්තු මමී සැරසීම සදහා ආදිකාලිනරෝම වැසියන් රෝසමල් යොදාගෙන ඇති බව පිරමඩවලින් සනාථ වී ඇත. යුරෝපයේ රාජ්‍ය උත්සවවලදී රෝසමල් සැරසීම සදහා යොදාගැනේ.චීනය ,ජපානය හා රුසියාව රෝසමල් ඖෂධයක් ලෙසට ද යොදා ගැනේ.රෝසමල් අයත් වන්නේ රොසියේසීස් කුලයටයි.රෝසමල් විවිධ වර්ණයෙන්, විවිධ සුවදින්,විවිධ හැඩයෙන් හා ප්‍රමාණයෙන්ද වෙනස්ය.මුල්කාලීන රෝසමල් ස්වභාවික වනාන්තරවල තිබී පසුකාලීනව මිනිසා ශිෂ්ටාචාරත්වයට පත්වීම සමග රෝසමල් ද මිනිසා සමග කලඑළියට බැස ඇත.මේ නිසා අදත් රෝස හැදින්වෙන්නේ කැලෑ රෝස නමිනි.පසු කාලීනව මිනිසා විසින් රෝස වර්ගයන් නිර්මාණය කලේය. කැලෑ රෝස මල් පෙති පහකින් යුක්තය.පසුව සිදුකල දෙමුහුන් කිරීම මගින් බිහිකල රෝස වර්ගවල පෙති පනහක් හැටක් අතර ප්‍රමාණයක් පවතී. රෝසමල් ගස් හා වැල් වශයෙන් ද දැකිය හැක.රෝසමල් වර්ග මුලික ලෙස 3000 ක් පමණ ඇතැයි වාර්තා වී ඇත.එහිදී යම් යම් ප්‍රභේද මගින් රෝස වර්ගීකරණයට ලක්කොට ඇත.

පඳුරු රෝස (Shurb Roses)

මෙය ශ්‍රී ලංකාවට ආවේණික රෝසමල් වර්ගයකි.එතරම් ජනප්‍රිය නොවූවකි.වර්ෂයකට එක්වරක් පමනක් මල් පිපේ.මෙම වර්ගය "මූන්ලයිට් ෆවුන්ටන්" ලෙසට හැදින්වේ.

වැල් රෝස (Climbers and Romblers)

මෙය මූලික වශයෙන් වර්ග දෙකකි.

1. වැල් රෝස (උසට වැඩෙන)
2. වැල් රෝස (උසට නොවැඩෙන)

එක් වර්ගයක් දිගුව වැඩේ.ඒ සමග වැලක ස්වරූපයක් ගනී.දෙවන වර්ගය පහලට කඩා වැටේ.මේ වර්ගය ශ්‍රි ලංකාවේ එතරම්ම ජනප්‍රිය නැත.සාමාන්‍ය ලෙස ගෙවතුවල වගා කෙරේ.වැල් රෝස වගා කිරීමේ දී විශාල ඉඩක් අවශ්‍යය වේ.ආරුක්කු මත හා පියස් මත සාර්ථක ලෙස වගා කිරීමට හැකිය.

1. වැල් රෝස (උසට වැඩෙන)

• අයිස් බර්ග්
• ස්කූල් ගර්ල්
• කැසිනෝ
• ගෝල්ඩන් ෂවර්
• වින්ක් පර්පැච්

1. වැල් රෝස (උසට නොවැඩෙන)

• ඩොරිති
• පර්තින්
• ක්‍රිම්සන් ෂවර්

කුරු රෝස (Miniature Roses)

ශ්‍රී ලංකාවේ දී පඳුරු වශයෙන් දැකිය හැක.උස අගල් 5-10 අතර වේ. නිරන්තර රෝගයන්ට ගොඳුරු වීම නිසා වගා කිරීම අපහසුය.තෙත පස හා ශීත දේශගුණය තුළ තරමක් දුරට හෝ වගා කිරිමට හැකිය.

ෆොලොරි බණ්ඩා (Floribunda Roses)

මේ වර්ගයේ රෝසමල් තරමක් කුඩාය.සුවදක් නොමැත.ඓහෙත් මෙහි ඇති විශේෂත්වය නමි වැඩි කාලයක් පර නොවී පැවතීමය.ඒ සමග මල් විශාල සංඛ්‍යාවක් එකවර පිපේ.මේ වර්ගයෙන් ශ්‍රී ලංකාවේ විවිධ දේශගුණයන්ට ඔරොත්තු දෙයි. එහි ප්‍රභේද කිහිපයකි.

1. මයි ගර්ල්
2. චැනලි
3. ක්වීන් එළිසබෙත්
4. හනිමුන්
5. ඩියරස්ට්
6. ටිකී
7. සී පර්ලි
8. බියුලි ඇබේ
9. ෆර්පෙක්ට්

රෝස වගාව විනාශ කර දමන රෝග සහ පලිබෝධ

වඳ දසතම පතුරුවමින් දැකුම්කලු පරිසරයක් ඔබේ ගෙමිදුලට රැගෙන එන සුන්දර රෝස වගාවටත් අ සුන්දර වූ රෝග බහුල ව වැළඳේ. විශේෂයෙන්ම දිලීර හානිය සහ කෘමි හානිය රෝස ගසෙහි මුල්, කඳ, පත‍්‍ර, මල් ආදියට වින කරනු දක්නට ලැබේ. මේ අතරින් වඩාත් බහුලව දැකිය හැකි රෝගයකි කලු ලප රෝගය. ප‍්‍රථමයෙන්ම රෝස පත‍්‍ර මත කහ පැහැති පුල්ලි හට ගන්නා අතර පසුව ඒවා කලු පැහැති පැල්ලම් වශයෙන් දැකිය හැකිය. ඉතා ඉක්මණින් පැතිර යන මේ රෝගය නිසා පත‍්‍රය කහපාට ගැසී හැළි යයි. සමහර අවස්ථා වලදී කඳට වැළඳීමෙන් රෝස ගස මැරී යාමට ද ඉඩ තිබේ.ජලවහනය දුර්වල වීම, අධික වර්ෂාව කළු ලප රෝගය වැඩි දියුණු කරන අතර පෙ‍්‍රාපිනෙබි, හෝක්ලෝරොතැලෝනිල් අඩංගු දිලීර නාශක භාවිතය මඟින් මේ රෝගය මර්ධනය කරගත හැකිය. කළුලප රෝගය මෙන්ම සුදු පුස් රෝගය ද බහුලව දක්නට ලැබෙන්නකි. ළපටි පත‍්‍ර, මල් පොහොට්ටු සහ කඳමත සුදු පැහැති පුස් දැකිය හැකිය. මේ තත්ත්වය මත බොහෝ විට ළපටි පත‍්‍ර මේරීමට ප‍්‍රථම හැළී යයි. පස වියළීම සහ මුල් වියළිම මෙම රෝගය උත්සන්න කරන අතර දැඩි ලෙසින් හානි වී ඇති කොටස් ඉවත් කිරීම තුළින් සහ ක්ලෝරෝතැලෝනිල් අඩංගු දිලීර නාශක යෙදීම තුළින් මේ සුදු පුස් රෝගය අවම කරගත හැකි වේ. රෝස ශාකයේ ඉහළ සිට පහළට අතු මැරීයාම ද රෝස වගාවේ දක්නට ලැබෙන රෝගයකි. කඳේ පහළ කොටස් තුවාල වීම මුල් ජලයෙන් තෙත්ව තිබීම, සුදු පුස් හෝ කළු ලප රෝගය වැළඳී තිබීම ඊට හේතු සාධක වේ. මාධ්‍යයේ ජලවහනය දියුණු කිරීම, නිවැරැදි ලෙස අතු කැබැලි කැපීම, පාංශු ප‍්‍රතිකාර කිරීම ආදිය මාර්ගයෙන් මෙම රෝගය පාලනය කළ හැකි වේවි. මෙම රෝස වගාවේ දිලීර රෝග මෙන්ම පළිබෝධ හානි ද දැකිය හැකියි. ඒ අතරින් වැඩිපුර මයිටා හානිය දක්නට ලැබෙන අතර රෝස පත‍්‍ර යටි පැත්තේ යුෂ උරාබොන කුඩා කෘමියකු ලෙසින් මෙය හඳුනා ගෙන ඇත. පත‍්‍ර මතුපිට කහවීම සහ පත‍්‍ර හැකිළීම මෙහි රෝග ලක්‍ෂණ වේ. උණුසුම් වියළි කාලයේ දී මෙන්ම සුළං අධික කාලයේ ද මේ මයිටා හානිය වැඩි වේ. සල්පර් අඩංගු කෘමි නාශකයක් යෙදීම තුළින් මයිටා හානිය අවම කරගැනීමට පුළුවන.කඳේ අග‍්‍රස්ථ කොටස්වලින් යුෂ උරා බී රෝස වගාවට හානිකරන විනාශකාරී කුඩා කෘමියෙකි  කූඹිත්තා.  විවිධ පාටින් දක්නට ලැබෙන මේ කෘමීන් නිසා පසෙහි වර්ධනය බාල වී මල් විකෘති වීම සිදුවේ. සංස්ථානික කෘමිනාශක භාවිතයෙන් මෙම උවදුර පාලනය කළ හැකියි. ළපටි මෙන්ම තරමක් මේරූ කඳන් මත සහ පත‍්‍ර යටි පැත්තේ සිට යුෂ උරා බොන පිටි මකුණාද රෝස වගාවේ දැකිය හැකිය. සුදු පැහැති කුඩු විශේෂයකින් ශරීරය ආවරණය කරගෙන සිටින මේ පිටි මකුණා විනාශ කිරීම සඳහා සංස්ථානික කෘමි නාශක සහ තනුක සබන් ද්‍රවණ යෙදිය යුතුය. පැරැණි රෝස අතුමත සහ මුල්මත ජීවත්වන කොරපොතු කෘමියා ද මෙම ශාකයේ යුෂ උරාබොමින් ගසට හානිකරයි. කඳට ඇලී සිටීම සහ ඝන බාහිර ආවරණය නිසාම විනාශ කිරීමට අපහසු මේ කොරපොතු කෘමි රෝගයට සංස්ථානික කෘමි නාශක යෙදීම වඩාත් උචිතය.මීට අමතරව කඳ විදින පණුවා, රෝස පණුවා, කුහුඹු වේයා, මල් සහ පත‍්‍ර කන කුරුමිණියා මෙම රෝස වගාවට හානිකරන සතුන් ලෙසින් හැඳින්විය හැකිය. මේ සතුන් වඩාත් ව්‍යාප්තව නැතිනම් අතින් අහුලා ඉවත් කළ හැකි අතර රෝගය අධිකව වැළඳී ඇත්නම් කෘමිනාශක යෙදීම සුදුසු වේ.

දැකුම් කලු රෝස මල් ලබා ගැනිමට අත්‍යවශ්‍ය පොහොර

රෝස වගාවට පොහොර භාවිතා කිරීමේදී කාබනික පොහොර මෙන්ම රසායනික පොහොරද යෙදිය හැකියි. ඒ අනුව වැඩුණු රෝස පඳුර වටා ඇති රෝපණ ද්‍රව්‍ය සහිත පස ඉවත් කර හොඳින් දිරාගිය ගොම පොහොර සහ කොම්පෝස්ට් පොහොර පැළය වටා පැතිර යන පරිදි යොදන්න. ඉන් පසුව කලින් ඉවත් කළ පස්වලින් වසා දැමීම කළ යුතුය. ඉහත සඳහන් කාබනික පොහොර මාධ්‍යයට අමතරව එන්. පී. කේ.(N. P. K.) අනුපාතයට මූලික පොහොරක් සකසා යෙදීම කළ හැකියි.ඒ සඳහා,* ඇමෝනියම් සල්පේට් කොටස් 2* ටි‍්‍රපල් සුපර් පොස්පේට් කොටස් 2* මියුරේට් ඔෆ් පොටෑෂ් කොටස් 1(2. 2. 1) වශයෙන් ගෙන හොඳින් මිශ‍්‍ර කොට පැල තුනකට අවුන්ස දෙකක් පමණ වැටෙන සේ පැළයට අඟල් 6 - 8 ඈතින් යොදන්න. ඉන්පසුව පස සමඟ හොඳින් මිශ‍්‍ර කොට ජලය වත්කළ යුතු වේවි. මෙම මිශ‍්‍රණය යෙදීමෙන් පසුව මල් පිපෙන අවස්ථාව වන විට N. P. K.අනුපාතය අනුව පහත මිශ‍්‍රණය (3. 4. 1.) යෙදිය යුතුවේ. ඇමෝනියම් සල්පේට් 3ටි‍්‍රපල් සුපර් පොස්පේට් 4මියුරේට් ඔෆ් පොටෑෂ් 7මෙම පොහොර සැපයීමේ දී පළමු පොහොර නිර්දේශය වූ 2. 2. 1 අනුපාතය යෙදිය යුත්තේ කප්පාදු කිරීමෙන් පසුව දලු එන අවස්ථාවේදීය. එම පළමු යෙදීමෙන් පසුව මල් පිපීම ආරම්භයේ දී දෙවැනි පොහොර නිර්දේශය වූ 3. 4. 1 අනුපාතය යෙදිය යුතුවේ. මීට අමතරව කාබනික දියර පොහොර ද භාවිතා කළ හැකියි. එහිදී පැළෑටියේ එක් එක් අවධීන් අනුව අවශ්‍ය මූූලද්‍රව්‍ය වැඩි පොහොර භාවිතා කරන්න. රෝස වගාවට පොහොර යොදන අවස්ථාවේදීම රෝස පඳුරු කප්පාදු කිරීමෙන් පොහොර යෙදීම පහසු වන අතර එයින් මාස දෙකක කාලයක් තුළදී මල් ලබා ගැනීමද කළ හැකියි. මෙම වගාවේ වැවෙන වල් පැලෑටි ඉවත් කිරීම, දැඩි වියළි කාලගුණ තත්ත්ව යටතේ වසුං කිරීම වැනි කි‍්‍රයාකාරකම් තුළින් ජල සංරක්‍ෂණය සහ රෝස පඳුරු නිරෝගීව තබා ගැනීමට හැකියාව ලැබේ.

රෝස වගා කිරිමේ දි දැනගතයුතු මූලික කරුණු

රෝස වගා කිරිමේ දී මූලික වශයෙන් කරුණු රාශියක් දැනගත යුතුය.එසේ නොදැන වගා කිරීමට යාම මගින් වගාව අසාර්ථක වේ. රෝස ගස්වලට වැළඳෙන රෝග පොහාර යෙදීම ,පස සකස් කිරීම,කප්පාදු කිරීම පිළිවෙලට මනා අවබෝධයකින් යුතුව කළයුතුය.

පස් වර්ග හදුනා ගැනීම[සංස්කරණය]

• වැලි පස යොදා ගැනීම

වැලි පස රෝස වගාවට යොදාගන්නේ නම් පැන නගින ප්‍රධාන ගැටලුව ජලය එහි රදා නොසිටිමයි.මේ නිසා පස වියලී යයි.ශාකවලට මෙම වර්ගය සුදුසු නැත.විශේෂයෙන්ම රෝස ශාකවලට මෙය නුසුදුසුය.ඊට හේතු වන්නේ රෝස පැළ සිටුවීමෙන් පසු පොහොර යෙදීම කළහොත් දින කිහිපයකින් පොළවට පොහොර ගිලා බසී.ජලය රැදී නොසිටීම නිසා ශාකය මැරී යයි.නැතිනම් වියළී යයි.මේ සදහා සුදුසු පරිදි පස සකස් කිරීම සදහා ගෙවත්තේ තෝරා ගත් බිම් අඩි 1 2/1 ක් පහළට හා අඩි 1ක් ගැඹුරට කපා පස ඉවත්කල යුතුය.ඉන්පසු ඇතුලට තණකොළ පිඩලි ,ඇටකටු පොහොර,කොළ පොහොර,වැලි 2:2:1 අනුපාතයට මිශ්‍ර කොට අගල් 6 සිටින සේ පළමුව මිශ්‍රණය යොදා ඉන් පසු පැළය සිටුවා පසුව වටේට ඉතිරි පස් මිශ්‍රකොට පුරවා දැමීම අවශ්‍යය. පසුව දිනකට දෙවරක් ජලය යෙදිම සුදුසුය.

• මැටි ආශ්‍රිත පසේ රෝස වගා කිරීම

මැටි පසේ ප්‍රධාන ලක්ෂණය ජලය බැස නොයාමයි.ජලය රඳා පැවතීම සදහා පසෙහි වාතාශ්‍රය අඩුය.මේ නිසා වියළි කාල වලදී පස වියළී යන ස්වරූපයක් දකී.මැටි පසේ රෝස වගා කිරීමේ දී මුලින්ම අවශ්‍යය ප්‍රමාණයට පාත්ති සකස්කොට ගැනීමෙන් පසු පස පුළුස්සා ඉන් දින කීපයකට පසු පාත්ති මත හුණු කුඩු ඉසීම අවශ්‍යය වන්නේ පසේ ආම්ලිකතාවය අඩු කිරීමටය. ඉන්පසුව කොළ පොහොර ගොම සමග වැලි 2:2:1 මිශ්‍රණයට එක්කොට ,පැළ සිටුවා වැලි පසෙහි පොළව සකස් කල ආකාරයට සකස්කර ගැනීම වැදගත්ය. *ලොම් ආශ්‍රිත පසේ රෝස වගා කිරීම

ජලය හොදින් බැස නොයන දැඩි ලොම් පස ඉතාමත් සාරවත් පසකි.රෝස වගාවට එවැනි සාරවත් පසක් ද සුදුසු නොවේ.මේ නිසා රෝස වගාව සදහා ඒ පස සුදුසු ලෙස සකසා ගත යුතුය.මෙහිදී අඩි 02 ක් ගැඹුරට වළක් කපා ගැනීමෙන් පසු අඩි1 1/2 පමණ පළල් කොටසක පස් හොදින් බුරුල් කොට වියළාගත් ගොම කුඩු එකතුකොට ඉතිරි කොටසට කොළ පොහොර හා වැලි සමව මිශ්‍ර කළ යුතුය.ඉන්පසු රෝස පැළය සිටුවා ගන්න.

• හුණු පස වගාව‍ට යොදා ගැනීම

හුණු පස රෝස වගාවට සුදුසු නොවේ.ඓහෙත් පස් ඒ තත්වයට පත්කළ හැක.මුලින්ම කපාගත් වැලි පස් ඉවත් කොට ඉන්පසු පොළව යටට තණ පිදලි අලවා පස් මිශ්‍රණය වැලි,ගොම , කොළ පස් 2:2:1 අනුපාතයට මිශ්‍රකොට ඉන්පසු පැළය සිටුවන්න. ජලය අවශ්‍යය ප්‍රමාණයට යෙසිය යුතුය.

• ජලයය රඳා පවතින පසේ රෝස වගා කිරිම

කොතරම් හොදට පස සකස් කළත් පොහොර යෙදුව ද ,ජලය නිසි ලෙස බැස නොයන්නේ නම් සාර්ථක රෝස වගාවක් කළ නොහැකිය.එහි දී ජලය බැසයාම සදහා අවශ්‍යය ලෙසට කාණු හොදින් සකසා ගැනීමඅවශ්‍යය.නැතිනම් තණ පිඩලි යොදා සකස් කොට ගත යුතුය.

රෝස පැළ ලබා ගැනීම

රෝස වගාකර ගැනිමට අවශ්‍යය පළමු කාර්යය රෝස පැළ ලබා ගැනීමයි.මේසදහා ක්‍රම කීපයක්වෙයි.

• අතු බැදිම (ගුටි ක්‍රමය)
• කපා අතු සිටුවීම
• බද්ධ කිරීම
• හෝමෝන කිරීම
• බීජ මගින් බෝකර ගැනිම

රෝස පැළ සිටුවීමේ දී සැළකිය යුතු කරුණු

ගෙවත්තේ රෝස වගා කිරීමේ දී සුදුසු පරිදි පාත්ති සකස් කොට පසුව රෝස ගස් සිටුවීමේ දී පරතරය පිළිබද සැළකිළිමත් විය යුතුය.මේ සදහා වර්ගීකරණය අනූවකළයුතුය.

හයිබ්‍රට් ට්‍රී රෝස සදහා ,පැළ දෙකක්අතරපරතරයඅඩි03වියයුතුය. කුරු රෝස මිටි නිසා රෝස ගස් දෙකක් අතර පරතරය අඩියක් විය යුතුය.

වැල් රෝස ඉතා මිටි බැවින් පරතරය අඩි 10 පමණ විය යුතුය.

උසට වැවෙන වැල් රෝස ශාකය ‍බොහෝ විට ඉතා උස බැවින් ගස් දෙකක් අතර පරතරය අඩි 06 පමණ විය යුතුය.

• භාජන තුළ රෝස පැළ සිටුවීම

භාජන තුළ රෝස පැළ සිටුවිමේ දී භාජනය හා පස් මිශ්‍රණය වැදගත් වේ.මේ සදහා කුඩා ප්‍රමාණයේ භාජන යොදා ගැනිමට වඩා මඳක් විශාල භාජන යොදා ගැනීම වැදගත්ය. පළමුව අවශ්‍යය පස් මිශ්‍රණය සකසා ගත යුතුය.සිටුවීමෙන් පසු දින 10ක් පමණ යනතෙක් සෙවණ ලැබෙන සේ තැබීම වැදගත්ය.ඒ කාලය තුළ සුළු ප්‍රමාණයක් ජලය ලබා දිය යුතුය.පැළවී ඇති පැළයක් නම් අනෙකුත් පැල සමග එකට නොතිබීම ද වැදගත්ය. අලුත් පැළයක් සිටුවීමේ දී බැක්ටීරියා නාශකයක් සුළුවශයෙන් යෙදීම වැදගත්වේ. *අතුමගින් බෝ කිරීම මේ සදහා වඩාත් සුදුසු වන්නේ පහසුවෙන් වගාකළ හැකි රෝස වර්ගයන්ය.මෙහිදී අතු මගින් බෝ කිරීම ඉතාමත් පහසු ක්‍රමයයි.ඒ සදහා ගසේ මැදින් අඟල් 9 කට කපාගත් කැබැල්ල ජලය සහිත බඳුනක තබා පසුව අඟල් 8 ක පරතරයක් සිටින සේ සිටුවා ගත යුතුය. මෙහිදී කිනිති කැබලිවලට අවශ්‍යය උත්තේජනය ලබාදීම සදහා හෝමෝනයන් යොදා ගැනීම වැදගත්ය. අඩුම වශයෙන් සති 2-1 අතර කාලයකදි මුල් ඇදිම සිදු වේ.පසුව අලුත් ශාකය වෙනත් භාජනයක සිටුවාගත හැකිය.

රෝස බද්ධ කිරීම

රෝස බද්ධ කිරිමේ ක්‍රමයන් අතරින් ප්‍රධාන වන්නේ යටිකුරු මී බද්ධයයි. මෙය ඉතාමත් සියුම් ලෙසට කළ යුතු ක්‍රියාවකි.මේ සදහා මුලින්ම කැලෑ රෝස අංකුරයක් එහි යටිකුරු ටී කැපුම යොදා ගන්න.මල් පිපුණු රෝස අත්තක අංකුරයක් ලබාගෙන එය තබා ඉහළ සිට පහළට පොලිතීන් වලින් වෙලන්න.ඉන්පසු සෙවණ සහිත ස්ථානයක තබන්න. සති හතරකට පසු පැලුම බුරුල් කොට නැවත වෙලන්න.

රෝස කප්පාදුව

රෝස ගස් කප්පාදුව සදහා හොදම කාලය අප්‍රේල් මාසයයි.කප්පාදු කිරීම සදහා දැඩි කප්පාදු යොදන්නේ නම් .පොළවේ සිට අඟල් 05 ක් ඉහළින් ඇති සියලුම අතු කපා දමන්න. එහිදී අංකුර එන ස්ථාන ඉතිරි කරගන්න.කැපූ කිනිති කුණුවීම වැළැක්වීම සදහා දිලීර නාශකයක් කැපූ ස්ථානවල ආලේප කරන්න.

• සරල කප්පාදුව

මෙම ක්‍රමය හයිබ්‍රිට් ටී රෝස වලටත් ,ෆොලොරිබණ්ඩා රෝස වලටත් යෝග්‍යය.මෙහිදී පොළව ආසන්නයේ ඇති කිනිති කැපීම අවශ්‍යය.විශේෂයෙන් මල් පිපී අවසන් වූ පැරණි අතු කැපීම කළ යුතුය.කැපිමේ දී ඉති හැඩයකට කපා දැමීම වැදගත්ය. මේ සියලු කප්පාදු කිරීම් වලදී ආතති කැපුම් සුදුසුය.කප්පාදු කිරීම් වලදී මේ සදහා "සෙකට්‍රියල්" කතුරක් යොදා ගැනීම වඩාත් සුදුසුය.එමෙන්ම මුල් ශාකයේ කිනිති ඇති අංකුරය ආසන්නයේම නව අංකුරය බාලවේ. සමහරවිට නොවැඩී යයි.කප්පාදු කිරීමෙන් සතියකට පසු රෝස ගසේ මුල පස් ඉවත් කොට වියළී ගිය පැරණි මුල් කප්පාදු කොට දිලීර නාශකයක් ඉසීම වැදගත්ය. ඉන්පසු පස බුරුල් කොට පොහොර විශෙ‍‍්ෂයෙන් යෙදීම අවශ්‍යය.

පොහොර යෙදීම

ගස් කප්පාදු කිරීමෙන් පසු ඇමෝනියම් සල්‍‍ෆේට්,සුපර් සල්ෆේට් ,පොටෑෂ් මිශ්‍රණයක් ගසේ මුලට යොදන්න.මේ මිශ්‍රණය මුලින්ම 5:3:1 අනුපාතයටද ,මසකට පසු 4:2:1 අනුපාතයටද පොහොර මිශ්‍රණය යොදන්න.මීට අමතරව මල් ලබා ගැනීම සදහා හෝමෝන සහිත රසායනික පොහොර යෙදීමට අමතරව පොටෑසියම් වැඩිපුර අඩංගු පොහොර යෙදීමෙන්ද මල් හට ගනී.

රෝග හා පළිබෝධ

රෝස ගසට වැළදෙන ප්‍රධාන රෝග අතරින් කළුපුල්ලි රෝගය වැදගත්ය. පත්‍ර කහ පාටවිම ,කළු පුල්ලි ඇතිවීම ,රෝග ලක්ෂණයි.වර්ෂාව සමග රෝග බහුලව පැතිරි යයි. ක්‍ෂණිකව දිලීර නාශකයක් යෙදීම අවශ්‍යය.මේ සදහා ප්‍රොපීනොබ් ,අඩංගු දලීර නාශකයක් හෝ බීනොවිල් අඩංගු නාශකයක් යෙදීමෙන් එය පාලනය වේ.

• පසු මැරීම---- ගසේ කඳ මැරීමේ රෝගය ලෙසට හැදින්විය හැක.මුල සිට ඉහලට කළුපැහැ ගැන්වෙන තෙතමනය අධිකවිම නිසා සිදුවේ.මලෙස කළුපැහැ ගැන්වු අතු කපා ඉවත් කිරීම කළයුතුය.

• සුදු පුස් රෝගය---ළපටි පත්‍ර අතු හා පිපීගෙන එන පොහොට්ටුවල කළු පුල්ලි සළකුණු දැකිය හැකිය.පසුව ක්‍රමයෙන් මෙය කහ පැහැයට හැරේ.මෙය රෝස වගාවට බහුලව වැළදෙන රෝගයකි.වාතයේ ජල වාෂ්ප වැඩි කාලයට අධික සුළං ඇති කාලයට මෙය අධික ලෙස පැතිරී යයි.මේ සදහා බිනොමල් අඩංගු රසායනයක් යෙදීමෙන් මර්දනය කලහැකි වේ.

• කූඹින්ගෙන් වන හානිය---කූඹින්ගෙන් ද රෝස වගාවට හාන් පැමිණේ. කොළවල යුෂ උරා බොයි.ගස් ඉතා ඉක්මනින් විනාශ වේ.මේ සදහා ගසට උරා ගන්නා පළිබෝධයක් ඉසීම මගින් මර්දනය කල හැකි වේ.

• පිටි මකුණා---මෙම කෘමියා පත්‍රවල යටි පැත්තේ යුෂ උරා බොයි. සුදු පැහැති පවුඩර් විශේෂයක් ලෙස පෙනේ. පළිබෝධයක් යෙදීම මගින් පාලනය කළ හැකිය.

• කොරපොතු කෘමියා---මේ කෘමියා පරණ අතු මත හා මුල් මත ජීවත් වේ.මේ සදහා සාමාන්‍යය පළිබෝධ නාශකයක් යෙදීමෙන් මර්දනය කල හැකි වේ.

• කඳ විදින පණුවා----ළපටි කඳ සිදුරු කොට ජීවත් වේ.මර්දනය සදහා ගස් ගලවා පුළුස්සා දැමිය යුතුය.

මීට අමතරව කුරුමිණියන් ,කුඩා පණු විශේෂ ,දළඹුවන් ,යුෂ උරාබොන කෘමීන්,මයිටයින් මර්දනය සදහා කෘමිනාශක යොදා පාලනය කල හැකිය.

Hybird Tea Roses (හයිබර්ඩ් ටී රෝස)

• 
 
• 
 
• 
 
• 
 
• 
 
• 
 
• 
 
• 
• 
  

Floribunda Roses(ෆ්ලොරිබන්ඩා රෝස)

• 
 
• 
 
• 
 
• 
 
• 
 
• 
 
• 
 
• 
• 
  

Wild Roses (කැලෑ රෝස)

• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
• 
  

Climbers and Romblers Roses (වැල් රෝස)

• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
 
• 
•